நீங்கள் தேடியது "நாங்குநேரி வேன் விபத்து"

களக்காடு:

குமரி மாவட்டம் பாடசாலையை சேர்ந்த செண்டைமேளக் கலைஞர்களான ராஜன்(வயது 54), சுனிதா(29), ஜீனு (28), பூஜா (18), சைஷா(24) உள்ளிட்ட 15 பேர் ஸ்ரீவைகுண்டம் கோவிலில் நடைபெற்ற விழாவில் கலந்து கொள்ள ஒரு வேனில் இன்று அதிகாலை வந்து கொண்டிந்தனர்.

வேன் நாங்குநேரி அருகே உள்ள கிருஷ்ணன்புதூர் நான்கு வழிச்சாலையில் வந்த போது திடீரென வேனின் பின்பக்க டயர் வெடித்தது. இதனால் நிலை தடுமாறிய வேன் சாலையோரம் உள்ள பள்ளத்தில் கவிழ்ந்தது. இதில் வேனில் இருந்த 6 பெண்கள் உள்ளிட்ட 15 பேருக்கு பலத்த காயம் ஏற்பட்டது.

இது குறித்து தகவலறிந்த நாங்குநேரி போலீசார் சம்பவ இடத்திற்கு விரைந்து சென்று காயமடைந்தவர்களை மீட்டு நாங்குநேரி மற்றும் நெல்லை அரசு மருத்துவமனைகளுக்கு அனுப்பி வைத்தனர். அங்கு அவர்களுக்கு தீவிர சிகிச்சையளிக்கப்பட்டு வருகிறது. இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.